Transmeton Abdullah bin Amri se i Dërguari i Allahut (s.a.v.s.) ka thënë: "Një burrë nga umeti im do të thirret para të gjitha krijesave në Ditën e Kiametit dhe për të do të shpalosen nëntëdhjetë e nëntë regjistra, ku secili regjistër zgjat sa sheh syri. Pastaj Allahu i Madhëruar do t’i thotë: 'A mohon diçka nga kjo?'. Ai do të thotë: 'Jo, o Zoti im'. Allahu do t’i thotë: 'A të kanë bërë padrejtësi shkruesit e Mi ruajtës?'. Pastaj do t’i thotë: 'A ke ndonjë arsyetim apo ndonjë vepër të mirë?'. Burri do të frikësohet e do të thotë: 'Jo'. Allahu do të thotë: 'Përkundrazi, ti ke te Ne vepra të mira dhe sot nuk do të të bëhet asnjë e padrejtë'. Atëherë do të nxirret një kartelë ku shkruan: 'Dëshmoj se nuk ka zot tjetër përveç Allahut dhe se Muhamedi është robi dhe i Dërguari i Tij'. Ai do të thotë: 'O Zoti im, çfarë është kjo kartelë përballë gjithë këtyre regjistrave?'. Allahu do të thotë: 'Ti nuk do të dëmtohesh'. Pastaj regjistrat do të vendosen në njërin krah të peshores dhe kartela në krahun tjetër; regjistrat do të rezultojnë të lehtë, ndërsa kartela do të peshojë rëndë."