Transmeton Enesi se i Dërguari i Allahut (s.a.v.s.) ka thënë: "Në Ditën e Kiametit do të sillet ai nga mohuesit që ka pasur jetën më luksoze në këtë botë dhe do të thuhet: 'Zhyteni atë një herë në Zjarr'. Ai do të zhytet në të, e pastaj do t’i thuhet: 'O filan, a ke shijuar ndonjëherë ndonjë mirësi?' Ai do të thotë: 'Jo, pasha Allahun, asnjëherë nuk kam shijuar asnjë mirësi'. Pastaj do të sillet besimtari që ka pasur më së shumti vështirësi e sprova në këtë botë dhe do të thuhet: 'Zhyteni atë një herë në Xhenet'. Ai do të zhytet në të, e pastaj do t’i thuhet: 'O filan, a ke përjetuar ndonjëherë ndonjë vështirësi apo sprovë?' Ai do të thotë: 'Jo, pasha Allahun, kurrë nuk kam përjetuar asnjë vështirësi dhe asnjë sprovë'."