Transmeton Ebu Hurejre se i Dërguari i Allahut (s.a.v.s.) ka thënë: "Vdekja do të sillet në Ditën e Kiametit dhe do të vendoset mbi Sirat. Atëherë do të thirret: 'O banorë të Xhenetit!' Ata do të shikojnë të shqetësuar dhe të frikësuar se mos i nxjerrin nga vendi ku janë. Pastaj do të thirret: 'O banorë të Xhehenemit!' Ata do të shikojnë me shpresë e gëzim se mos i nxjerrin nga vendi ku janë. Atëherë do të pyeten: 'A e dini se çfarë është kjo?' Ata do të përgjigjen: 'Po, kjo është Vdekja.' Atëherë do të urdhërohet që ajo të theret mbi Sirat e pastaj do t’u thuhet të dyja grupeve: 'Kjo është përjetësi në atë që jeni, dhe nuk do të ketë më vdekje kurrë'."