Transmeton Abdullah bin Mesudi se i Dërguari i Allahut (s.a.v.s.) ka thënë: "Unë vërtet e di personin e fundit që do të dalë nga Zjarri dhe të fundit që do të hyjë në Xhenet. Ai është një njeri që do të dalë nga Zjarri duke u zvarritur, e atij do t'i thuhet: 'Shko dhe hyr në Xhenet'. Ai do t'i afrohet atij, por do t'i duket sikur është plot. Ai do të kthehet e do të thotë: 'O Zoti im, e gjeta atë plot'. Allahu do t'i thotë: 'Shko dhe hyr në Xhenet'. Ai do t'i afrohet, por do t'i duket sikur është plot. Ai do të kthehet e do të thotë: 'O Zoti im, e gjeta atë plot'. Atëherë Allahu i Madhërishëm do t'i thotë: 'Shko dhe hyr në Xhenet'. Ai do t'i afrohet, por do t'i duket sikur është plot. Ai do të kthehet e do të thotë: 'O Zoti im, vërtet ai është plot'. Atëherë Allahu do t'i thotë: 'Shko dhe hyr në Xhenet, sepse për ty është sa e gjithë bota dhe dhjetë fishi i saj – ose dhjetë herë sa kjo botë'. Ai do të thotë: 'A po tallesh me mua – ose a po qesh me mua – ndërkohë që Ti je Sundimtari?'" Tha (Ibn Mesudi): "E pashë të Dërguarin e Allahut (s.a.v.s.) duke qeshur saqë iu dukën dhëmballët." Dhe thuhej: "Ky është njeriu me pozitën më të ulët në Xhenet."