Transmeton Abdullah bin Mugaffali: Ai ishte ulur pranë nipit të tij, i cili po hidhte guralecë me gishta. Ai e ndaloi atë duke i thënë: "I Dërguari i Allahut (s.a.v.s.) e ka ndaluar këtë." Ai (Pejgamberi) ka thënë: "Me këtë as nuk gjuhet preja e as nuk dëmtohet armiku, por ajo mund të thyejë dhëmbin ose të nxjerrë syrin." Nipi i tij filloi të hidhte përsëri guralecë, kështu që ai tha: "Unë po të tregoj se i Dërguari i Allahut (s.a.v.s.) e ka ndaluar këtë, ndërsa ti vazhdon t'i hedhësh? Nuk do të flas kurrë më me ty!"