Transmeton Amr bin Mejmuni: E vizitoja Ibn Mes'udin çdo të enjte pasdite, por ai kurrë nuk i thoshte fjalët: "I Dërguari i Allahut (s.a.v.s.) ka thënë". Një mbrëmje ai tha: "I Dërguari i Allahut (s.a.v.s.) ka thënë", dhe pastaj e uli kokën. E pashë atë dhe vura re se kopsat e këmishës së tij ishin të zbërthyera, sytë i ishin mbushur me lot dhe damarët e qafës i ishin fryrë (nga frika). Pastaj ai shtoi: "Ose më shumë se kjo, ose më pak se kjo, ose afërsisht kështu, ose diçka e ngjashme me këtë."