Transmeton El-Bera bin Azibi: U kthyem bashkë me të Dërguarin e Allahut (s.a.v.s.) nga haxhi që ai kreu dhe ndaluam diku gjatë rrugës. Ai urdhëroi që namazi të falet me xhemat, pastaj mori për dore Aliun dhe tha: "A nuk jam unë më i afërt për besimtarët sesa vetë veten e tyre?" Ata thanë: "Po, gjithsesi." Ai tha: "A nuk jam unë më i afërt për çdo besimtar sesa vetë veten e tij?" Ata thanë: "Po, gjithsesi." Atëherë ai tha: "Ky është miku i atij për të cilin unë jam mik. O Allah, duaje atë që e do atë dhe bëhu armik i atij që e ka armik atë!"