Transmeton Xhabir bin Abdullahu: I Dërguari i Allahut (s.a.v.s.) ishte në Xhiranah dhe po ndante copa ari dhe plaçkë lufte, të cilat ndodheshin në prehrin e Bilalit. Një burrë tha: "Vepro me drejtësi, o Muhamed!" Ai tha: "Mjerë për ty! Kush do të veprojë me drejtësi pas meje, nëse unë nuk veproj me drejtësi?" Omeri tha: "O i Dërguari i Allahut! Më lejo t'ia pres qafën këtij hipokriti!" I Dërguari i Allahut (s.a.v.s.) tha: "Ky njeri ka disa shokë që e lexojnë Kuranin, por ai nuk u kalon përtej kockave të qafës. Ata do të dalin nga feja ashtu siç kalon shigjeta tej për tej shënjestrës."