Transmeton Suhejbi: I Dërguari i Allahut (s.a.v.s.) e lexoi këtë ajet: "Për ata që kanë bërë mirë, ka shpërblim më të mirë dhe diçka më tepër." Pastaj tha: "Kur banorët e Xhenetit të hyjnë në Xhenet dhe banorët e Zjarrit në Zjarr, një thirrës do të thërrasë: 'O banorë të Xhenetit! Ju keni një premtim te Allahu, të cilin Ai dëshiron t'jua përmbushë.' Ata do të thonë: 'Çfarë është ai? A nuk na i rëndoi Allahu peshoret tona, a nuk na i zbardhi fytyrat tona, a nuk na futi në Xhenet dhe na shpëtoi nga Zjarri?' Atëherë do të largohet velloja dhe ata do të shikojnë tek Ai. Pasha Allahun, Allahu nuk u ka dhënë atyre asgjë më të dashur dhe më të këndshme për sytë e tyre sesa shikimi tek Ai."