Transmeton Ibn Abbasi: Disa njerëz nga radhët e idhujtarëve, të cilët kishin vrarë shumë dhe kishin kryer imoralitet shumë, erdhën te Muhamedi (s.a.v.s.) dhe i thanë: "Ajo që ti thua dhe në të cilën thërret është vërtet e mirë. Sikur të na njoftoje se ka shlyerje për veprat tona të kaluara." Atëherë u shpall ajeti: "Edhe ata që nuk lusin zot tjetër bashkë me Allahun, nuk vrasin asnjë shpirt që Allahu e ka ndaluar, përveçse me të drejtë, dhe nuk bëjnë imoralitet; e kush e bën këtë, do të gjejë ndëshkimin për gjynahun e tij. Atij do t’i dyfishohet dënimi në Ditën e Kiametit dhe do të mbetet aty i poshtëruar përgjithmonë, përveç atij që pendohet, beson dhe bën vepra të mira. Allahu do t’ua shndërrojë veprat e tyre të këqija në të mira. Allahu është Falës i Madh dhe Mëshirëplotë." (el-Furkan, 68-70). Gjithashtu u shpall: "Thuaj: 'O robërit e Mi, të cilët keni tejkaluar me të këqija kundër vetvetes, mos e humbni shpresën në mëshirën e Allahut! Vërtet, Allahu i fal të gjitha gjynahet. Ai është Falësi i Madh, Mëshirëploti.'" (ez-Zumer, 53).