Transmeton Enes bin Maliku: Të Dërguarit të Allahut (s.a.v.s.) i erdhi Xhibrili ndërkohë që ai po luante me fëmijët. Ai e mori, e shtriu përtokë, ia hapi kraharorin dhe ia nxori zemrën. Prej saj nxori një droçkë gjaku dhe tha: "Kjo është pjesa e shejtanit te ti." Pastaj e lau atë në një legen prej ari me ujin e Zemzemit, pastaj e mbylli dhe e ktheu në vendin e vet. Fëmijët vrapuan te nëna e tij (mëndesha e tij) dhe i thanë: "Muhamedi është vrarë!" Ata e takuan atë ndërsa ai ishte i zbehur në fytyrë. Enesi tha: "Vërtet, unë i kam parë gjurmët e asaj qepjeje në kraharorin e tij."