Transmeton Ebu Derda: I Dërguari i Allahut (s.a.v.s.) u ngrit për të falur namaz dhe ne e dëgjuam atë duke thënë: "Kërkoj mbrojtjen e Allahut prej teje." Pastaj tha tri herë: "Të mallkoj me mallkimin e Allahut", dhe e zgjati dorën e tij sikur po kapte diçka. Kur e përfundoi namazin, ne i thamë: "O i Dërguari i Allahut, të dëgjuam të thuash diçka gjatë namazit që nuk të kemi dëgjuar ta thuash më parë, dhe të pamë ta zgjatësh dorën tënde." Ai u përgjigj: "Armiku i Allahut, Iblisi, erdhi me një flakë zjarri për të ma vënë në fytyrë, andaj thashë tri herë: 'Kërkoj mbrojtjen e Allahut prej teje.' Pastaj thashë tri herë: 'Të mallkoj me mallkimin e plotë të Allahut.' Por ai nuk u zmbraps. Më pas desha ta kapja. Pasha Allahun, sikur të mos ishte lutja e vëllait tonë Sulejmanit, ai do të ishte lidhur dhe me të do të luanin fëmijët e Medines.