Transmeton Umare bin Ruvejbe se e ka dëgjuar të Dërguarin e Allahut (s.a.v.s.) duke thënë: "Nuk do të hyjë në Zjarr askush që falet para lindjes së diellit dhe para perëndimit të tij", që do të thotë namazin e sabahut dhe të ikindisë. Një person nga Basra e pyeti: "A e ke dëgjuar ti vetë këtë nga i Dërguari i Allahut (s.a.v.s.)?" Ai u përgjigj: "Po." Atëherë ai person tha: "Dëshmoj se edhe unë e kam dëgjuar këtë nga i Dërguari i Allahut (s.a.v.s.); veshët e mi e dëgjuan dhe zemra ime e ruajti atë."