Transmeton Ubej ibn Ka'bi: Ishte një burrë nga ensarët, shtëpia e të cilit ishte më e largëta në Medine, por ai nuk linte asnjë namaz pa e falur me të Dërguarin e Allahut (s.a.v.s.). Ne ndjemë keqardhje për të dhe i thamë: "O filan, sikur të blije një gomar që të të mbronte nga rëra e nxehtë dhe nga gjallesat e dëmshme të tokës." Ai tha: "Pasha Allahun, nuk do të dëshiroja që shtëpia ime të ishte ngjitur me shtëpinë e Muhamedit (s.a.v.s.)." Kjo m'u duk e rëndë, prandaj shkova te Pejgamberi i Allahut (s.a.v.s.) dhe e njoftova për këtë. Ai e thirri atë dhe ai i tha të njëjtën gjë, duke përmendur se shpresonte shpërblim për hapat e tij. Atëherë i Dërguari i Allahut (s.a.v.s.) i tha: "Vërtet, ti do ta kesh atë shpërblim që ke shpresuar."