Transmeton Aisha: Dielli u errësua në kohën e të Dërguarit të Allahut (s.a.v.s.), kështu që i Dërguari i Allahut (s.a.v.s.) u ngrit për të falur Namazin. Ai e zgjati shumë qëndrimin në këmbë, pastaj ra në ruku dhe e zgjati shumë rukunë. Pastaj ngriti kokën dhe qëndroi gjatë në këmbë, por më pak se qëndrimi i parë. Pastaj ra në ruku dhe e zgjati shumë rukunë, por më pak se rukuja e parë. Pastaj ra në sexhde. Pastaj u ngrit dhe e zgjati qëndrimin në këmbë, por më pak se qëndrimi i parë. Pastaj ra në ruku dhe e zgjati rukunë, por më pak se rukuja e parë. Pastaj ngriti kokën dhe qëndroi gjatë në këmbë, por më pak se qëndrimi i parë. Pastaj ra në ruku dhe e zgjati rukunë, por më pak se rukuja e parë. Pastaj ra në sexhde. Kur i Dërguari i Allahut (s.a.v.s.) përfundoi Namazin, dielli tashmë ishte qartësuar. Ai u mbajti njerëzve fjalim, e lavdëroi Allahun dhe e lëvdoi Atë, e pastaj tha: "Vërtet dielli dhe hëna janë dy shenja prej shenjave të Allahut. Ato nuk errësohen për shkak të vdekjes apo lindjes së askujt. Prandaj, kur t'i shihni ato, bëni tekbir, lutjuni Allahut, falni Namazin dhe jepni sadaka. O umeti i Muhamedit, askush nuk është më xheloz sesa Allahu kur robi ose robëresha e Tij bën zina. O umeti i Muhamedit, pashë Allahun, sikur ta dinit atë që di unë, do të qanit shumë e do të qeshnit pak. A e kumtova mesazhin?"