Transmeton Ebu Musa: Dielli u zunë në kohën e të Dërguarit të Allahut (s.a.v.s.). Ai u ngrit i shqetësuar, duke u frikësuar se mos po ndodhte Kiameti, derisa erdhi në xhami. Ai u fal me qëndrimin në këmbë, rukunë dhe sexhden më të gjatë që e kam parë ndonjëherë të bënte në namaz, e pastaj tha: "Këto janë shenjat që Allahu i dërgon; ato nuk ndodhin për shkak të vdekjes apo jetës së askujt, por Allahu i dërgon ato për t'i frikësuar robërit e Tij. Prandaj, kur të shihni diçka të tillë, nxitoni në përmendjen e Tij, lutjen ndaj Tij dhe kërkimin e faljes prej Tij."