Transmeton Auf ibn Malik: E dëgjova Pejgamberin (s.a.v.s.) duke thënë (ndërsa po falte namazin e xhenazes): "O Allah! Fale atë, mëshiroje, jepi paqe dhe falja mëkatet. Prite me nderim dhe zgjeroja vendin e tij (varrin). Lajeni atë me ujë, borë dhe breshër, dhe pastroje nga gjynahet ashtu siç pastrohet rrobja e bardhë nga papastërtia. Zëvendësoja shtëpinë me një shtëpi më të mirë se e tij, familjen me një familje më të mirë se e tij dhe bashkëshortin/en me një më të mirë se ai/ajo, si dhe mbroje nga sprova e varrit dhe dënimi i Zjarrit." Aufi tha: "Dëshirova që të isha unë ai i vdekur për shkak të asaj lutjeje të të Dërguarit të Allahut (s.a.v.s.) për atë të vdekur."