Transmeton Kabisa bin Muharik:

Mora përsipër një borxh (për të pajtuar njerëzit) dhe erdha te i Dërguari i Allahut (s.a.v.s.) që t'i kërkoja ndihmë për të. Ai më tha: "Prit derisa të na vijë sadakaja, që të urdhërojmë të të jepet prej saj." Pastaj tha: "O Kabisa, lypja nuk i lejohet askujt përveç njërës prej tri kategorive: një njeriu që ka marrë përsipër një borxh (për të pajtuar njerëzit), atij i lejohet të kërkojë derisa ta shlyejë atë, e pastaj duhet të ndalet; një njeriu të cilin e ka goditur ndonjë fatkeqësi që ia ka shkatërruar pasurinë, atij i lejohet të kërkojë derisa të sigurojë mjetet e nevojshme për jetesë - ose tha: aq sa për të mbajtur veten; dhe një njeriu që është goditur nga varfëria, saqë tre njerëz të mençur nga populli i tij dëshmojnë se ai vërtet është varfëruar, atij i lejohet të kërkojë derisa të sigurojë mjetet e nevojshme për jetesë - ose tha: aq sa për të mbajtur veten. Çdo lloj tjetër lypjeje, o Kabisa, është haram dhe ai që e bën këtë, konsumon pasuri të ndaluar."