Transmeton Kab bin Uxherah: I Dërguari i Allahut (s.a.v.s.) erdhi tek unë në kohën e Hudejbijes, ndërsa unë po ndizja zjarr nën tenxheren time dhe morrat po më binin mbi fytyrë. Atëherë ai (s.a.v.s.) tha: "A po të mundojnë parazitët e kokës?" Thashë: "Po." Ai tha: "Rruaje kokën dhe agjëro tri ditë, ose ushqe gjashtë të varfër, ose therr një kurban." Ejubi tha: "Nuk e di se me cilën prej tyre e filloi ai."