Transmeton Ka'b bin Uxhere: Ai doli me Pejgamberin (s.a.v.s.) në gjendje të ihramit dhe koka e mjekra e tij u mbushën me morra. Kur Pejgamberi (s.a.v.s.) mori vesh për këtë, dërgoi njerëz dhe e thirri atë, pastaj thirri berberin i cili ia rroi kokën. Pejgamberi (s.a.v.s.) i tha: "A ke ndonjë kurban?" Ai u përgjigj: "Nuk kam mundësi për këtë." Atëherë ai e urdhëroi të agjërojë tri ditë ose të ushqejë gjashtë të varfër, duke dhënë një sa' (masë) për çdo dy të varfër. Për këtë rast Allahu i Madhëruar shpalli ajetin e veçantë për të: "E kushdo prej jush që është i sëmurë ose ka ndonjë mundim nga koka e tij...", e pastaj ky rregull u bë i përgjithshëm për të gjithë muslimanët.