Transmeton Jabiri: Ne dolëm bashkë me të Dërguarin e Allahut (s.a.v.s.) me ihram për Haxh, ndërsa me ne ishin edhe gratë dhe fëmijët. Kur arritëm në Mekë, bëmë tavaf rreth Shtëpisë dhe sa’jin midis Safasë dhe Mervës. I Dërguari i Allahut (s.a.v.s.) na tha: "Kushdo që nuk ka kurban me vete, le ta përfundojë ihramin." Ne pyetëm: "Çfarë lloj përfundimi?" Ai u përgjigj: "Përfundim të plotë." Atëherë ne shkuam te gratë tona, veshëm rrobat tona dhe përdorëm parfum. Kur erdhi dita e Tervijes, ne veshëm përsëri ihramin për Haxh. Tavafi dhe sa'ji i parë midis Safasë dhe Mervës na mjaftuan. I Dërguari i Allahut (s.a.v.s.) na urdhëroi që të bashkohemi nga shtatë vetë për flijimin e një deveje apo të një lope.