Transmeton Ibn Abbasi: I Dërguari i Allahut (s.a.v.s.) dhe shokët e tij erdhën në Mekë kur ethet e Medinës i kishin dobësuar. Mushrikët thanë: "Po ju vjen një popull të cilin ethet e kanë lodhur dhe kanë vuajtur rëndë prej tyre." Ata u ulën pranë Hixhrit, ndërsa Pejgamberi (s.a.v.s.) i urdhëroi ata të ecnin me hapa të shpejtë në tri rrotullimet e para dhe të ecnin normalisht midis dy qosheve, në mënyrë që mushrikët të shihnin qëndrueshmërinë e tyre. Mushrikët atëherë thanë: "Këta qenkan ata për të cilët pretendonit se i kanë dobësuar ethet, ndërsa ata qenkan më të fortë se filani e filani." Ibn Abbasi tha: Ai (s.a.v.s.) nuk i urdhëroi ata të ecnin shpejt në të gjitha rrotullimet vetëm për t'i kursyer ata.