Transmeton Fadl ibn Abbasi (r.a.), i cili ishte ulur pas të Dërguarit të Allahut (s.a.v.s.), se ai (Pejgamberi) u tha njerëzve në mbrëmjen e Arafatit dhe në mëngjesin e grumbullimit në Muzdelife, ndërsa ata po nxitonin: "Ruajeni qetësinë!" Ai e mbante devenë e tij të frenuar derisa hyri në Muhassir (një vend në Mina) dhe i porositi njerëzit që të merrnin guralecë për t'i hedhur te Xhemrati. I Dërguari i Allahut (s.a.v.s.) vazhdoi ta shqiptonte Telbijen derisa gjuajti guralecët te Xhemrati.