Transmeton Abdullah b. Amr b. el-Asi: I Dërguari i Allahut (s.a.v.s.) qëndroi në Mina gjatë Haxhit të Lamtumirës që njerëzit ta pyesnin. Një burrë erdhi dhe i tha: "O i Dërguari i Allahut, pa e ditur, jam rruajtur para se të therrja kurbanin." Ai (s.a.v.s.) tha: "Therre tani dhe nuk ka ndonjë pengesë." Pastaj erdhi një burrë tjetër dhe tha: "O i Dërguari i Allahut, pa e ditur, e thera kurbanin para se të hidhja gurët." Ai (s.a.v.s.) tha: "Hidhi tani dhe nuk ka ndonjë pengesë." Për çdo gjë që i Dërguari i Allahut (s.a.v.s.) pyetej, nëse ishte kryer para apo pas kohës së caktuar, ai thoshte: "Vepro dhe nuk ka ndonjë pengesë."