Transmeton Ebu Hurejra: I Dërguari i Allahut (s.a.v.s.) na u drejtua me një fjalim dhe tha: "O njerëz, Allahu ua ka bërë obligim Haxhin, prandaj kryejeni Haxhin." Një burrë pyeti: "A çdo vit, o i Dërguari i Allahut?" Ai (s.a.v.s.) heshti derisa njeriu e përsëriti pyetjen tri herë. Atëherë i Dërguari i Allahut (s.a.v.s.) tha: "Sikur të thosha 'po', do të bëhej obligim dhe ju nuk do të mund ta bënit atë." Pastaj tha: "Më lini me atë që u kam lënë, sepse ata që ishin para jush u shkatërruan për shkak të pyetjeve të tyre të shumta dhe kundërshtimit ndaj Pejgamberëve të tyre. Prandaj, kur t'ju urdhëroj për diçka, bëni prej saj aq sa keni mundësi, dhe kur t'ju ndaloj nga diçka, lëreni atë."