Transmeton Ebu Hurejre: Sa'd ibn Ubade tha: "O i Dërguari i Allahut, nëse do të gjeja një burrë me gruan time, a nuk duhet ta prek derisa të sjell katër dëshmitarë?" I Dërguari i Allahut (s.a.v.s.) tha: "Po." Ai tha: "Aspak! Pasha Atë që të ka dërguar me të Vërtetën, unë do të nxitoja drejt tij me shpatë para kësaj." I Dërguari i Allahut (s.a.v.s.) tha: "Dëgjoni se çfarë thotë udhëheqësi juaj. Ai është xheloz për nderin e tij, unë jam më xheloz se ai, ndërsa Allahu është më xheloz se unë."