Transmeton Hudhejfe se i Dërguari i Allahut (s.a.v.s.) ka thënë: Melekët e pritën shpirtin e një njeriu nga ata që ishin para jush dhe e pyetën: "A ke bërë ndonjë punë të mirë?" Ai u përgjigj: "Jo." Ata i thanë: "Përpiqu të kujtohesh." Ai tha: "Unë u jepja borxh njerëzve dhe i urdhëroja shërbëtorët e mi që t’i jepnin afat atij që ishte në vështirësi dhe të bënin lëshime ndaj atij që kishte mundësi pagimi." Atëherë Allahu i Madhëruar tha: "Bëni lëshim (faljani) atij."