Transmeton Ubade bin es-Samiti: Kur ishim me të Dërguarin e Allahut (s.a.v.s.) në një kuvend, ai tha: "Më jepni besën se nuk do t'i shoqëroni Allahut asgjë, nuk do të bëni zina, nuk do të vidhni dhe nuk do të vritni asnjë njeri, jetën e të cilit Allahu e ka ndaluar, përveçse me të drejtë. Kushdo prej jush që e përmbush këtë, shpërblimi i tij është tek Allahu. Kushdo që kryen ndonjë nga këto dhe ndëshkohet për të, ky ndëshkim është shlyerje për të. Ndërsa kushdo që kryen ndonjë nga këto dhe Allahu ia mbulon atë, çështja e tij mbetet tek Allahu; nëse Ai dëshiron e fal, e nëse dëshiron e ndëshkon."