Transmeton Ibn 'Umeri: Jehudët e fiseve Beni Nadir dhe Beni Kurejdhah luftuan kundër të Dërguarit të Allahut (s.a.v.s.). Ai i dëboi Beni Nadirët, ndërsa i lejoi Beni Kurejdhët të qëndronin dhe u tregoi atyre mirësi, derisa edhe ata luftuan kundër tij më pas. Atëherë ai i vrau burrat e tyre dhe ua shpërndau gratë, fëmijët dhe pasurinë e tyre mes muslimanëve, përveç disave prej tyre që iu bashkuan të Dërguarit të Allahut (s.a.v.s.) dhe ai u garantoi atyre siguri, kështu që ata pranuan Islamin. I Dërguari i Allahut (s.a.v.s.) i dëboi të gjithë jehudët e Medines: Beni Kajnuka' (fisi i Abdullah b. Selamit), jehudët e Beni Harithes dhe çdo jehud tjetër që ndodhej në Medine.