Transmeton Hudhejfe bin el-Jemani: Asgjë nuk më pengoi të merrja pjesë në Betejën e Bedrit, përveç kësaj ngjarjeje. Dola bashkë me babanë tim, Husejlin, por na zunë pabesimtarët e kurejshëve. Ata na pyetën: "A keni për qëllim të shkoni te Muhamedi?" Ne u thamë: "Nuk kemi për qëllim të shkojmë tek ai, por duam të kthehemi në Medine." Atëherë ata morën prej nesh besën e Allahut dhe zotimin se do të ktheheshim në Medine dhe nuk do të luftonim krah tij. Kur erdhëm te i Dërguari i Allahut (s.a.v.s.) dhe e njoftuam për këtë, ai tha: "Shkoni që të dy (në Medine); ne do t'ua përmbushim besën e dhënë atyre dhe do të kërkojmë ndihmën e Allahut kundër tyre."