Transmeton Xhundub b. Sufjani: I Dërguari i Allahut (s.a.v.s.) u sëmur dhe nuk u ngrit për namaz për dy apo tri net. Atëherë erdhi një grua dhe i tha: "O Muhamed, shpresoj që shejtani yt të ka lënë, sepse nuk e kam parë të të afrohet për dy apo tri net." Me këtë rast, Allahu i Madhërishëm dhe i Lartësuar shpalli: "Pasha paraditen! Pasha natën kur shtrin errësirën! Zoti yt nuk të ka lënë, as nuk të ka urryer."