Transmeton Ajsheja: I Dërguari i Allahut (s.a.v.s.) u nis për në Bedër. Kur arriti në Harrat-ul-Vabara, e zuri një burrë që njihej për trimërinë dhe guximin e tij. Shokët e të Dërguarit të Allahut (s.a.v.s.) u gëzuan kur e panë. Kur ai e arriti, i tha të Dërguarit të Allahut (s.a.v.s.): "Kam ardhur që të të ndjek dhe të marr pjesë në luftë bashkë me ty." I Dërguari i Allahut (s.a.v.s.) i tha: "A beson në Allahun dhe në të Dërguarin e Tij?" Ai u përgjigj: "Jo." Atëherë Pejgamberi (s.a.v.s.) i tha: "Kthehu mbrapsht, sepse unë nuk kërkoj ndihmë nga një mushrik." Ajo tregon se ai vazhdoi rrugën derisa kur ishim në Shexhara, burri e arriti sërish dhe i tha të njëjtën gjë si herën e parë. Pejgamberi (s.a.v.s.) i tha siç i kishte thënë më parë: "Kthehu mbrapsht, sepse unë nuk kërkoj ndihmë nga një mushrik." Pastaj ai u kthye dhe e zuri në Bejda, ku Pejgamberi (s.a.v.s.) e pyeti sërish: "A beson në Allahun dhe në të Dërguarin e Tij?" Burri u përgjigj: "Po." Atëherë i Dërguari i Allahut (s.a.v.s.) i tha: "Atëherë eja me ne."