Transmeton Adi bin Amira el-Kindi: E dëgjova të Dërguarin e Allahut (s.a.v.s.) duke thënë: "Këdo prej jush që e emërojmë në një detyrë dhe ai fsheh prej nesh qoftë edhe një gjilpërë apo diçka më të vogël se ajo, ky do të jetë përvetësim i paligjshëm që do ta sjellë në Ditën e Gjykimit." Pastaj u ngrit një burrë me ngjyrë të errët nga Ensarët – sikur po e shoh ende – dhe tha: "O i Dërguari i Allahut, merre mbrapsht prej meje detyrën tënde." Ai (s.a.v.s.) tha: "Çfarë ke?" Burri tha: "Të dëgjova duke thënë kështu e kështu." Ai (s.a.v.s.) tha: "Unë e them këtë edhe tani: Atë që prej jush e emërojmë në një detyrë, ai duhet të sjellë gjithçka, qoftë pak apo shumë; atë që i jepet prej saj le ta marrë, kurse nga ajo që i ndalohet, le të përmbahet."