Transmeton Ebu Hurejra: I Dërguari i Allahut (s.a.v.s.) ka thënë: "Allahu ka marrë përsipër t'i japë siguri atij që del në rrugën e Tij, e që nuk e ka nxjerrë tjetër gjë përveç xhihadit në rrugën Time, besimit në Mua dhe vërtetimit të të dërguarve të Mi, se do ta fusë në Xhenet ose do ta kthejë në shtëpinë e tij nga doli, me shpërblim apo plaçkë lufte. Pasha Atë, në dorën e të Cilit është shpirti i Muhamedit (s.a.v.s.), nuk ka plagë që merret në rrugën e Allahut, e që nuk do të vijë në Ditën e Kiametit ashtu siç ishte në çastin kur u mor; ngjyra do të jetë si ngjyra e gjakut, ndërsa era do të jetë si era e miskut. Pasha Atë, në dorën e të Cilit është shpirti i Muhamedit (s.a.v.s.), sikur të mos ishte se do t'u rëndonte muslimanëve, nuk do të mbetesha prapa asnjë ekspedite që lufton në rrugën e Allahut kurrë. Mirëpo, unë nuk kam mundësi t'u siguroj atyre mjetet për të udhëtuar, e as ata nuk kanë mundësi të mjaftueshme, andaj u vjen rëndë të mbeten prapa meje. Pasha Atë, në dorën e të Cilit është shpirti i Muhamedit (s.a.v.s.), do të dëshiroja të luftoja në rrugën e Allahut e të vritesha, pastaj të luftoja e të vritesha, e pastaj të luftoja e të vritesha."