Transmeton Ebu Hurejra se i Dërguari i Allahut (s.a.v.s.) pyeti: "Kë konsideroni dëshmor (shehid) në mesin tuaj?" Ata thanë: "O i Dërguari i Allahut, ai që vritet në rrugën e Allahut është dëshmor." Ai tha: "Atëherë dëshmorët e umetit tim do të ishin të paktë." Ata pyetën: "E kush janë ata, o i Dërguari i Allahut?" Ai tha: "Kush vritet në rrugën e Allahut është dëshmor; kush vdes në rrugën e Allahut është dëshmor; kush vdes nga murtaja është dëshmor; dhe kush vdes nga sëmundja e barkut është dëshmor." Ibn Miksemi tha: Dëshmoj për thënien e babait tënd lidhur me këtë hadith, se Pejgamberi (s.a.v.s.) ka thënë: "Edhe i mbyturi në ujë është dëshmor."