Transmeton Ebu Mes'ud el-Ensariu: Një burrë prej Ensarëve, që quhej Ebu Shuejb, kishte një shërbëtor kasap. Ai e pa të Dërguarin e Allahut (s.a.v.s.) dhe vërejti shenjat e urisë në fytyrën e tij. Ai i tha shërbëtorit të vet: "Përgatitna ushqim të mjaftueshëm për pesë veta, sepse dëshiroj ta ftoj Pejgamberin (s.a.v.s.) si të pestin prej tyre." Pasi u përgatit ushqimi, ai erdhi te Pejgamberi (s.a.v.s.) dhe e ftoi atë bashkë me katër të tjerë. Një burrë tjetër i ndoqi ata nga pas dhe kur Pejgamberi (s.a.v.s.) arriti te dera, tha: "Ky njeri na ka ndjekur pas; nëse dëshiron, jepi leje (të hyjë), e nëse dëshiron, ai kthehet." Ai u përgjigj: "Jo, madje unë i jap leje atij, o i Dërguari i Allahut."