Transmeton Ebu Hurejre: Një njeri erdhi te i Dërguari i Allahut (s.a.v.s.) dhe tha: "Vërtet jam shumë i uritur." Ai (s.a.v.s.) dërgoi lajm te njëra prej bashkëshorteve të tij, por ajo tha: "Pasha Atë që të ka dërguar me të Vërtetën, nuk kam asgjë tjetër përveç ujit." Pastaj dërgoi te tjetra, e ajo tha të njëjtën gjë, derisa të gjitha thanë të njëjtën gjë: "Jo, pasha Atë që të ka dërguar me të Vërtetën, nuk kam asgjë tjetër përveç ujit." Atëherë ai (s.a.v.s.) tha: "Kush e pret si mysafir këtë njeri sonte, Allahu e mëshiroftë!" Një burrë nga ensarët u ngrit dhe tha: "Unë, o i Dërguari i Allahut!" Ai e mori atë në shtëpinë e tij dhe i tha gruas së vet: "A ke diçka për të ngrënë?" Ajo tha: "Jo, përveç ushqimit të fëmijëve të mi." Ai i tha: "Argëtoji ata me diçka, e kur të hyjë mysafiri ynë, fike llambën dhe bëje të duket sikur po hamë edhe ne. Kur ai të zgjasë dorën për të ngrënë, ngrihu te llamba që ta fikësh." Ata u ulën dhe mysafiri hëngri. Kur u gdhi, ai shkoi te Pejgamberi (s.a.v.s.), i cili i tha: "Vërtet, Allahu është mahnitur me atë që keni bërë ju të dy me mysafirin tuaj sonte."