Transmeton Ajsheja: Bashkëshortet e të Dërguarit të Allahut (s.a.v.s.) dilnin natën në el-Manasi', i cili ishte një vend i hapur e i gjerë, kur kishin nevojë fiziologjike. Omeri i kishte thënë të Dërguarit të Allahut (s.a.v.s.): "Urdhëroji gratë e tua që të mbulohen (të vënë hixhab)", por i Dërguari i Allahut (s.a.v.s.) nuk e kishte bërë këtë. Një natë, Sevde bint Zem'a, bashkëshortja e Pejgamberit (s.a.v.s.), doli jashtë në kohën e jacisë. Ajo ishte një grua shtatlartë. Omeri e thirri duke i thënë: "O Sevde, ne të njohëm ty!", me shpresën që të shpallej urdhri për hixhabin. Ajsheja tregon: "Pas kësaj, Allahu i Madhëruar e shpalli ajetin e hixhabit."