Transmeton Ebu Hurejra: I Dërguari i Allahut (s.a.v.s.) ka thënë: "Teksa një njeri po ecte rrugës, e kapi një etje e madhe. Ai gjeti një pus, zbriti në të dhe piu ujë. Pasi doli, pa një qen që dihaste dhe hante dheun e lagësht nga etja e madhe. Njeriu tha: 'Këtë qen e ka kapur etja po aq sa më kishte kapur mua'. Ai zbriti në pus, e mbushi këpucën e tij me ujë, e mbajti me gojë derisa u ngjit lart dhe i dha qenit të pijë. Allahu e vlerësoi veprën e tij dhe e fali atë." Sahabët pyetën: "O i Dërguari i Allahut, a kemi shpërblim edhe për shërbimin ndaj kafshëve?" Ai (s.a.v.s.) u përgjigj: "Për çdo qenie të gjallë ka shpërblim."