Transmeton Talha: Kalova bashkë me të Dërguarin e Allahut (s.a.v.s.) pranë disa njerëzve që ishin te hurmat e Arabisë. Ai pyeti: "Çfarë po bëjnë këta njerëz?" Ata u përgjigjën: "Po i shartojnë; po bashkojnë pemën mashkull me atë femër që të japin më shumë fryte." I Dërguari i Allahut (s.a.v.s.) tha: "Nuk mendoj se kjo do të sjellë ndonjë dobi." Njerëzit u informuan për këtë dhe e ndërprenë këtë praktikë. Kur i Dërguari i Allahut (s.a.v.s.) u njoftua më vonë për këtë, tha: "Nëse kjo u bën dobi atyre, le ta bëjnë, sepse unë vetëm sa dhashë një mendim personal. Mos u kapni pas mendimit tim personal, por kur t'ju tregoj diçka nga Allahu, atëherë pranojeni, sepse unë kurrë nuk shpif gënjeshtra ndaj Allahut të Madhëruar."