Transmeton Ebu Hurejre se i Dërguari i Allahut (s.a.v.s.) ka thënë: "Meleku i vdekjes erdhi te Musai (a.s.) dhe i tha: 'Përgjigju thirrjes së Zotit tënd.' Atëherë Musai (a.s.) e goditi melekun e vdekjes në sy dhe ia nxori atë. Meleku u kthye tek Allahu i Lartësuar dhe tha: 'Ti më dërgove te një rob Yti që nuk e dëshiron vdekjen dhe ai ma nxori syrin.' Allahu ia ktheu syrin e tij në vend dhe i tha: 'Kthehu te robi Im dhe thuaji: A dëshiron jetë? Nëse dëshiron jetë, vendose dorën tënde mbi kurrizin e një kau; për çdo qime që mbulon dora jote, do të jetosh një vit.' Musai pyeti: 'Po pastaj çfarë do të ndodhë?' Allahu i tha: 'Pastaj do të vdesësh.' Ai tha: 'Atëherë, le të jetë tani.' Musai u lut: 'O Zot, më bëj të vdes afër Tokës së Shenjtë sa largësia e hedhjes së një guri.' I Dërguari i Allahut (s.a.v.s.) shtoi: 'Pasha Allahun, sikur të isha atje, do t'ju tregoja varrin e tij anash rrugës, te kodra e kuqe.'"