Transmeton Ebu Hurejre se i Dërguari i Allahut (s.a.v.s.) ka thënë: "Ndërsa isha në gjumë, e pashë veten pranë një pusi mbi të cilin ishte një kovë. Nxora prej tij ujë aq sa deshi Allahu. Pastaj atë e mori i biri i Ebu Kuhafes (Ebu Bekri) dhe nxori prej tij një apo dy kova, e në nxjerrjen e tij kishte një lloj dobësie (Allahu e faltë). Pastaj kova u shndërrua në një kovë shumë të madhe dhe atë e mori i biri i Hatabit. Nuk kam parë asnjë njeri aq të fuqishëm që të nxirrte ujë si Omer b. Hatabi, derisa njerëzit i ngopen devetë e tyre dhe ato u shtrinë për të pushuar."