Transmeton Misuer bin Mahreme: Aliu i biri i Ebu Talibit i kërkoi dorën vajzës së Ebu Xhehlit, ndërkohë që ishte i martuar me Fatimen, vajzën e të Dërguarit të Allahut (s.a.v.s.). Kur Fatimja dëgjoi për këtë, shkoi te Pejgamberi (s.a.v.s.) dhe i tha: "Njerëzit po thonë se ti nuk zemërohesh për hir të vajzave të tua, e ja ku është Aliu që do të martohet me vajzën e Ebu Xhehlit." Misuheri tregon: Atëherë i Dërguari i Allahut (s.a.v.s.) u ngrit dhe e dëgjova kur dha dëshminë e pastaj tha: "Më tej, unë ia dhashë vajzën time Ebu el-As bin el-Rebi'ut, i cili më foli dhe u tregua i vërtetë. Me të vërtetë, Fatimja, vajza e Muhamedit, është një pjesë e imja dhe unë nuk pëlqej që ajo të vihet në sprovë. Për Allahun, nuk mund të bashkohen kurrë vajza e të Dërguarit të Allahut dhe vajza e armikut të Allahut te një burrë i vetëm." Pas kësaj, Aliu hoqi dorë nga plani për martesë.