Transmeton Enesi: Ebu Bekri i tha Omerit pas vdekjes së të Dërguarit të Allahut (s.a.v.s.): "Eja të vizitojmë Umm Ejmenën, ashtu siç e vizitonte i Dërguari i Allahut (s.a.v.s.)." Kur shkuan tek ajo, ajo filloi të qante. Ata i thanë: "Përse po qan? Ajo që është tek Allahu për të Dërguarin e Tij (s.a.v.s.) është më e mirë." Ajo tha: "Nuk po qaj sepse nuk e di që ajo që është tek Allahu për të Dërguarin e Tij (s.a.v.s.) është më e mirë, por po qaj sepse Shpallja (Vahji) nga qielli është ndërprerë." Kjo i preku ata të dy saqë filluan të qanin bashkë me të.