Transmeton Ebu el-Ahvesi: Ishim në shtëpinë e Ebu Musait bashkë me disa prej shokëve të Abdullahut dhe ata po shikonin në Mushaf. Abdullahu u ngrit, ndërsa Ebu Mes’udi tha: "Nuk di nëse i Dërguari i Allahut (s.a.v.s.) ka lënë pas tij ndonjë që ka njohuri më të madhe për atë që ka zbritur Allahu sesa ky njeri që po qëndron në këmbë." Ebu Musai tha: "Nëse e thua këtë, ke të drejtë, sepse ai ishte i pranishëm kur ne mungonim dhe atij i lejohej hyrja kur ne na ndalohej."