Transmeton Ibn Omeri: Në kohën e të Dërguarit të Allahut (s.a.v.s.), kur dikush shihte ndonjë ëndërr, ia tregonte atë të Dërguarit të Allahut (s.a.v.s.). Unë dëshiroja të shihja një ëndërr që t'ia tregoja Pejgamberit (s.a.v.s.). Isha djalosh i ri, i pamartuar, dhe flija në xhami gjatë kohës së të Dërguarit të Allahut (s.a.v.s.). Pashë në ëndërr sikur dy melaqe më morën dhe më dërguan te Zjarri. Ai ishte i rrethuar si muri i pusit dhe kishte dy shtylla si ato të pusit. Aty kishte njerëz që i njihja dhe fillova të thosha: "Kërkoj mbrojtje te Allahu prej Zjarrit! Kërkoj mbrojtje te Allahu prej Zjarrit! Kërkoj mbrojtje te Allahu prej Zjarrit!" Atëherë i takoi një melaqe tjetër dhe më tha: "Mos u frikëso." Këtë ëndërr ia tregova Hafsës, ndërsa ajo ia tregoi të Dërguarit të Allahut (s.a.v.s.). Atëherë Pejgamberi (s.a.v.s.) tha: "Sa burrë i mirë është Abdullahu, sikur të falte Namaz nate!" Salimi tha: "Pas kësaj, Abdullahu nuk flinte natën veçse pak."