Transmeton Aidh bin Amru: Se Ebu Sufjani kaloi pranë Selmanit, Suhejbit dhe Bilallit, të cilët ishin në një grup, e ata thanë: "Pasha Allahun, shpatat e Allahut nuk e morën hakun e tyre nga qafa e armikut të Allahut." Ebu Bekri tha: "A po e thoni këtë për plakun dhe prijësin e Kurejshëve?" Pastaj ai shkoi te Pejgamberi (s.a.v.s.) dhe e njoftoi për këtë, kurse ai (s.a.v.s.) i tha: "O Ebu Bekër, mbase i ke zemëruar ata? Nëse i ke zemëruar ata, vërtet ke zemëruar Zotin tënd." Atëherë Ebu Bekri shkoi tek ata dhe u tha: "O vëllezërit e mi, a ju zemërova?" Ata u përgjigjën: "Jo, o vëllai ynë, Allahu të faltë!"