Transmeton Ebu Usejd el-Ensariu se i Dërguari i Allahut (s.a.v.s.) ka thënë: "Shtëpitë më të mira të Ensarëve janë ato të Beni Nexhxharit, pastaj Beni Abd el-Eshhelit, pastaj Beni el-Harith bin el-Hazrexh dhe pastaj Beni Saides; e në çdo shtëpi të Ensarëve ka mirësi." Ebu Usejdi tha: "A mund të shpif unë për të Dërguarin e Allahut (s.a.v.s.)? Sikur të isha gënjeshtar, do të kisha filluar me fisin tim, Beni Saiden." Kjo i arriti Sa'd bin Ubedes, i cili u ndje i lënduar në veten e tij dhe tha: "Na paskan lënë pas, kështu që jemi renditur të fundit nga të katërtit. Shalonani gomarin tim që të shkoj te i Dërguari i Allahut (s.a.v.s.)." Nipi i tij, Sehli, i foli duke i thënë: "A do të shkosh për të kundërshtuar të Dërguarin e Allahut (s.a.v.s.), ndërkohë që i Dërguari i Allahut (s.a.v.s.) e di më mirë? A nuk të mjafton që jeni të katërtit prej të katërve (fiseve më të mira)?" Atëherë ai u kthye dhe tha: "Allahu dhe i Dërguari i Tij e dinë më së miri," dhe urdhëroi që t'ia hiqnin shalën gomarit të tij.