Transmeton Ebu Hurejre: Ishim ulur me Pejgamberin (s.a.v.s.) kur iu shpall surja el-Xhumua. Kur ai lexoi ajetin: "Dhe të tjerë prej tyre që ende nuk u janë bashkuar atyre", një person pyeti: "Kush janë këta, o i Dërguari i Allahut?" Pejgamberi (s.a.v.s.) nuk iu përgjigj derisa ai e pyeti një, dy apo tri herë. Mes nesh ishte Selman el-Farisiu. I Dërguari i Allahut (s.a.v.s.) e vendosi dorën mbi Selmanin dhe tha: "Sikur besimi të ishte te Thurejja, burra prej këtyre do ta arrinin atë."