Transmeton Enes bin Maliku se i Dërguari i Allahut (s.a.v.s.) ka thënë: "Ditën e Kiametit do të sillet ai që ka pasur më së shumti kënaqësi në këtë botë prej banorëve të Zjarrit dhe do të zhytet një herë në Zjarr, e pastaj do të pyetet: 'O biri i Ademit, a ke parë ndonjëherë ndonjë të mirë? A ke shijuar ndonjëherë ndonjë mirësi?' Ai do të thotë: 'Jo, pasha Allahun, o Zoti im!' Pastaj do të sillet ai që ka pasur jetën më të vështirë në këtë botë prej banorëve të Xhenetit dhe do të zhytet një herë në Xhenet, e pastaj do t'i thuhet: 'O biri i Ademit, a ke parë ndonjëherë ndonjë vështirësi? A të ka goditur ndonjëherë ndonjë mjerim?' Ai do të thotë: 'Jo, pasha Allahun, o Zoti im! Kurrë nuk kam parë vështirësi dhe asnjëherë nuk kam përjetuar mjerim.'"